1 Tayta Dios chiquimajcunapitaga washaycamay.
2 Chapacuna escüduyquiwan shamuy yanapämänayquipaj.
3 Gaticachämajcunawanga gam pillyay.
4 Wañuchiyta munamajcunaga pengaycho quëdachun.
5 Tayta Diospa anjilnin apaptin ricacuchun rïgupa punshanta wayra apashanno.
6 Tayta Diospa anjilnin gaticachaptin paycunapäga nänipis ticracurichun chacaj y llushcaman.
7 Mana imatapis rimapaycaptillämi togllata churasha.
8 Quiquincunata illajpita mana alli chayachun.
9 Chauraga Tayta Dios yanapämashanpitami cushicushaj.
10 Llapan shongöpami nishaj: «Gammanga Tayta Dios, manami pipis tincunchu.
11 Rantiy testïgucunami yurin.
12 Alli yanapashäpitami mana alliwan cutichiman.
13 Nogami ichanga paycuna gueshyaptinpis fiyupa llaquicoj cä.
14 Fiyupa llaquishalla purejpis cä.
15 Mana alliman chayaptëmi ichanga paycuna llapan asipämasha.
16 Wacpita-caypita gayapämashpan asipämasha.
17 Tayta Dios, ¿imaycamaraj fiyucunata ricapanqui?
18 Acrashayqui runacunapa ñaupanchömi agradësicushayqui.
19 Chiquimajcunaga ama cushicuchunnachu.
20 Paycunaga manami munanchu alli cawaytaga.
21 Jatunta äyarcur-äyarcur nogapa conträmi jitaparcaycäman
22 Tayta Dios, gamga musyanquimi imano cashantapis.
23 Tayta Dios, faburnë jatariy ari. Ricchayna.
24 Gamga canqui juchaynaj Tayta Diosmi.
25 Ama yarpächunchu ni rimachunpischu
26 Mana alliman chayashäpita cushicurcaycajcunaga pengaycho ricacuchun.
27 Llapanpita allicho llojshinäta munajcuna ichanga
28 Alli arriglaj cashayquitami pï-maytapis willapäshaj.