1 Tayta Diostaga imay örapis alabaycäshämi.
2 Tayta Diospitami fiyupa cushisha caycä.
3 Tayta Diosta nogawan iwal agradësicushun.
4 Ruwacuptë Tayta Diosga wiyamashami.
5 Tayta Diosllaman ricarajcunaga cushishami carcaycan.
6 Llaquicur gayacuptë Tayta Diosga wiyamashami.
7 Tayta Diospa anjilninmi salban chapan Tayta Diosta rispitajcunataga.
8 Tayta Dios fiyupa alli cashanta musyanayquipaj masqui camay.
9 Tayta Diosta rispitay pay acrashan cajcunaga.
10 Rïcucunapis pobriyar muchupacarga yarganmi.
11 Wamräcuna, shamuy wiyamänayquipaj.
12 Gamga ¿unaycama cawaytachu munanqui?
13 Chauraga llutancunata ama rimaynachu,
14 Mana allita ama ruraynachu.
15 Alli runacunataga Tayta Dios allimi rican.
16 Mana allita rurajcunapami ichanga Tayta Dios contran caycan.
17 Allillata ruraj runacunataga Tayta Dios yanapanmi.
18 Jucha rurashanpita llaquicuycajcunapa ñaupanchömi caycan Tayta Diosga.
19 Allillata ruraj runacunataga imapis mana allicunarämi chayan.
20 Tayta Diosmi tulluncunatapis rican.
21 Fiyu runacunamanga quiquin mana allita rurashallanmi chayan.
22 Tayta Diosga salbanmi payman yäracojcunata.