1 ¡Aleluya! ¡Tayta Diosga alabasha cachun!
2 ¿Piraj Tayta Dios milagruta rurashancunata willacuyta camäpacunman?
3 Rasun cajllata, alli cajllata ruraj cajcunaga cushishami cawanga.
4 Nogata yarpäramanqui Tayta Dios, acrashayqui runacunata yanapashayqui öra.
5 Chaynöpami noga ricashaj acrashayqui runacuna alli goyajta.
6 Nogacunaga juchatami rurashcä.
7 Unay caj awilöcuna Egiptucho cashpan
8 Chaypis Tayta Diosga salbaran munayniyoj cashanta musyananpaj,
9 Tayta Diosga Puca Lamarta piñacuran. Chaura chaquiman ticraran.
10 Chaynömi salbaran contrancunapita, chiquejcunapa munayninpita.
11 Chiquejcunataga yacu ñiticurcuran.
12 Chayrämi riguiran imano rurananpäpis Tayta Dios aunishanta.
13 Ichanga Tayta Dios imata rurashancunatapis runacunaga rätu gongaycäriran.
14 Chay chunyaj chaqui jircachömi
15 Chaymi Tayta Diosga ruraparan paycuna munashanta.
16 Chaynöpami chunyajcho tolduncunacho tiyarcaycashancho Moisespaj rabyaran,
17 Chaura allpa quichacäcur Datanta ultacurcuran.
18 Paycunachöga nina ratariran.
19 Horeb jircacho ruracarcäriran juc besërata.
20 Fiyupa munayniyoj Tayta Diosta adurananpa ruquin
21 Paycunaga gongaycäriran salbajnin Tayta Dios
22 Paymi milagrucunata ruraran chay Cam nasyuncho.
23 Tayta Diosga runacunata illgarachinanpämi caycaran.
24 Chaypita guepataga cuyayllapaj nasyunta manacajman churaran.
25 Tiyaycashancunacho Tayta Diospa washanta parlaran.
26 Chaymi Tayta Diosga juraran chunyajcho llapan wañunanpaj.
27 Juraran paycunapita mirajcunapis wañunanpaj,
28 Paycunaga Baal-peorta sirbiran.
29 Mana allita rurashpan Tayta Diosta rabyachiran.
30 Chayno gueshya caycaptin Fineesga juchayojta wañuchiran.
31 Chayno rurashanpitami Tayta Diosga camacächiran
32 Chaypitapis Meriba yacu ñaupancho Tayta Diosta yapay rabyachiran.
33 Moisestaga fiyupami rabyachiran.
34 Wañuchinanpaj Tayta Dios nishan runacunatapis paycunaga manami wañuchiranchu.
35 Chaypa ruquenga Tayta Diosta mana rispitajcunawan majachacaran.
36 Tayta Diosta mana rispitajcuna rurashan ïdulucunata aduraran.
37 Paycunaga wamrancunata ollguta warmitapis rupachiran dyablucunapaj.
38 Paycunaga iticunapa yawarninta mashtaran.
39 Paycuna mana allita rurarmi juchayojyaran.
40 Tayta Diosga acrashan runacunapaj fiyupa rabyacurcuran.
41 Payta mana rispitajcunapa munayninman cachaycuran.
42 Chiquinacushancunaga fiyupa ñacachiran.
43 Tayta Diosga achca cutimi salbaran.
44 Chayno captinpis llaquicuycajta ricar, gaparpaycajta wiyar
45 Tayta Diosga yarpäriran paycunawan conträtuta rurar parlacushanta.
46 Chaymi camacächiran paycunata maquincho chararaycajcunapis allina ricananpaj.
47 ¡Tayta Dios salbaycamay ari!
48 ¡Israelcuna rispitashan Tayta Diosga imaycamapis alabasha cachun!