1 ¡Tayta Diosta agradësicuy-llapa!
2 Alabansacunawan payta alabay.
3 Rispitädu cashanpita cushicuy.
4 Munayniyoj Tayta Diosninchïman guellicuy.
5 Fiyupa almiraypaj milagrucunata rurashanta yarparay.
6 Sirbejnin Abrahampita mirar aywajcuna yarparay.
7 Tayta Diosmi noganchïpa Tayta Diosninchëga.
8 Payga aunishanta imaypis yarpashami.
9 Abrahamta aunishanta,
10 Jacobpäga camacächiran juc layno cananpaj;
11 Chaymi niran: «Canaán partitami goycushayquipaj gamcunapa partisyunniqui cananpaj.»
12 Paycunaga caran wallcajllami.
13 Paycunaga nasyunnin-nasyunnin puricachaj runacunami caran.
14 Chaypis Tayta Diosga manami munaranchu paycunata pï ñacachinantapis.
15 «Ama yatapaychu acrashä runacunataga.
16 Cay pachachöga fiyupa muchuymi caran.
17 Paycunapa ñaupanta Tayta Diosga Josëta cacharan.
18 Paytaga charararan chaquincunata cadinacunawan watashalla.
19 José rimashan cumlinancama carsilcho wichgarächiran.
20 Aypalla runacunata mandaycaj raymi niran carsilcho caycaj Josëta cachaycunanpaj.
21 Chayrämi Josëta churaran wasincho mandaj cananpaj;
22 Churaran musyaj-yachajcunata, mandajcunata, auquincunatapis yachaj cayta yachachinanpaj.
23 Chaypitarämi Egiptuman Jacobga chayaran.
24 Chaychöga acrashan runacunata aypallaman Tayta Dios mirachiran.
25 Chaypis Tayta Diosga camacächiran acrashan runacunata Egipto runacuna chiquicarcärinanpaj,
26 Chaymi Diosga sirbejnin Moisesta, Aaronta cachamuran.
27 Paycunami chunyajcho milagruta ruraran Dios «ruray» nishancunata.
28 Tayta Dios camacächiran fiyupa chacacäcunanpaj.
29 Tayta Diosga mayu yacucunatapis yawarman ticrachiran.
30 Chay nasyunchöga intëruchömi säputa yurichiran.
31 Dios rimarcuptin intëru Egipto nasyuncho gashyaricuriran upucruywan gayish.
32 Tamyapa ruquin runtu tamyata tamyachiran.
33 Chacracho caycaj übascunata ïguscunata illgächiran.
34 Dios rimarcuptin chüpacacunapis aypalla yuricaramuran.
35 Ushacurcuran intëru jircacho caj guewacunata,
36 Egipto runacunapa guechpa wamrancunatapis Tayta Dios wañuchiran.
37 Nircur acrashan runacunata Tayta Dios jorgamuran gorintawan guellaynintawan.
38 Egipto runacunaga Israelcunata manchacuran.
39 Tayta Dios pucutayta mashtacächiran chapänanpaj.
40 Micuyta mañacuptin codorniz äbicunata yurichiparan.
41 Gagata shillirachiran.
42 Chayno ruraran sirbejnin Abrahamwan parlacushanta yarparmi.
43 Chaynömi acrashan runacunata cushicachir gaparpaycajta jorgamuran.
44 Nircur goycuran juc-lä nasyun runacunapa chacranta,
45 Chaynöga ruraran Tayta Diospa laynincunata,