1 Llapan shongöpami Tayta Diosta alabashaj.
2 Gamga achquiwan pitucurcusha carmi ñawitapis pengacachej achquicho caycanqui.
3 Gamga wasiquita tucnaraj pilancuncunatapis camacächishcanqui syëlucho caycaj yacu jananchömi.
4 Wayracunami willacojniqui.
5 Cay pachatapis tacyachishcanqui jamananpita mana cuyoj cananpaj.
6 Lamar yacumi cay pachataga ñitiraran runata röpan chaparajno.
7 Yacuga gam piñacuptiquimi witicuran.
8 Puntacunata wicharcur, ragracunata urarcur,
9 señalapashayquipita mana mas wichämunanpaj,
10 Tayta Dios, Gammi camacächinqui jircacunapita yacu urämunanpaj.
11 Chay yacutanami upun chucaru animalcunapis.
12 Mayucunapa cantunchömi äbicunapis gueshtanta ruran.
13 Gammi llapan jircacunatapis tamyachimuypa pargunqui syëlucho wasiqui caycashanpita.
14 Uywacuna micunanpaj guewapis wiñamun.
15 Chay micuywanmi runapaga callpan yurin.
16 Libanuman sedrucunata Tayta Dios lantashan
17 Chaycunachöga llapan casta äbicunami gueshtanta ruran.
18 Altu jircacunachömi tiyan jacha cabracuna.
19 Quillatami rurashcanqui cada ushaynin juc quilla cashanta musyanapaj.
20 Inti yagacurcuptenga chacacäcunmi.
21 Liyuncunapis yargashpan gaparpan.
22 Inti ratarcamuptinnami ichanga
23 Chauraga runacunanami aroj llojshipäcun.
24 Tayta Dios, llapanta rurashayquega aypallami.
25 Chaychömi caycan may-may jatuncaray lamarpis.
26 Chay lamar jananpami purin büquicunapis.
27 Llapan chaycuna gamtami shuyaraycäshunqui
28 Gam garaptiqui paycunaga chasquishunquimi.
29 Ticracurcuptiquega paycuna mancharinmi.
30 Espirituyquita cachaptiquina ichanga llapan camashayquicuna yapay cawan.
31 Tayta Dios munayniyoj cashayquega para-simrimi.
32 Ricapäriptiqui cay pachaga sicsicyaytami gallaycun.
33 Cawashäcamaga
34 Noga yarpaycashäcunaga Tayta Diospaj alli caycuchun.
35 Juchasapacunaga cay pachapita illgächun.