1 Yachayga wasinta allimi rurasha.
2 Nircurnami uywacunata pishtasha.
3 Nircur warmi uywaynincunata cachasha gayacunanpaj.
4 «Mana tantiyacoj mösucuna cayman shamuy» nir.
5 «Camaricushä micuyta micunapaj shamuy.
6 Ama ruraynachu mana allitaga.
7 Fiyu runata piñacuptiquega ashllishunquipämi.
8 Mana rispitacojcunaga piñacuptiqui chiquipäshunquipämi.
9 Yachaj runaga yachachiptiqui masmi yachaj ricaconga.
10 Rasunpa yachaj canapäga Tayta Diostami rimëruga rispitaypaj.
11 Fiyupa allimi musyaj yachaj cayman chayashayquega.
12 Yachaj carga yachayniquiwanmi allicho goyanquipaj.
13 Mana tantiyacoj cayga washa-rima warminömi.
14 Washa-rimacunaga wasinpa puncuncunachöga bancuta churacuycur jamaran.
15 Nircur näninpa
16 «Mana tantiyacoj upa mösucuna caypa shamuy» nir.
17 «Suwacuy yacuga masmi mishquin.
18 Gayaptin aywajcuna ichanga manami musyanchu chaycho wañuy caycashanta.