1 Ïju, llapan willapashäcunata sumaj wiyacuy.
2 Mandamintuta willapashäcunata, yachachishäcunata sumaj wiyacuy.
3 Yachachishäcunataga imaypis mana gonganayquipaj umayquiman sumaj churacuy.
4 Yachaytaga «pañëmi canqui» niy.
5 Chaycunami salbashunquipaj runapa warminpita,
6 Juc junaj, ricchacuycarä
7 Ricapaycarä mana tantiyacoj mösucunata.
8 Chay mösuga cälli isquïnaman chayar jucaj-lä cälliman chimpariran
9 Intiga yagashana captin,
10 Mañösa warmiga illajpita llojshiriran tincunanpaj jipash tucur,
11 Chay warmiga wasinta cachaycur-cachaycur puricoj warmimi.
12 Chay warmiga cällicunapa, läsacunapa puricun. Isquïnacunacho ichiycachäcun.
13 Chay warmi yarpayniynaj mösuwan tincurcorga juclla
14 «Alli goyaypita sacrifisyuta garanäpämi aunirä.
15 Chaymi gamwan tincoj llojshimushcä.
16 Cämämanpis mashtashcä
17 Cämätaga pichushcä
18 Wasëman juclla yaycushun.
19 Runäga manami caychöchu.
20 Chaychica guellayta apacurcurmi aywacusha.
21 Chayno cuyacoj shiminwan parlapaycällar,
22 Aunircorga mösupis warmipa guepanta wasiman yaycusha.
23 Aywasha wañunanpaj cashanta mana musyashpan
24 Ïju, chaymi sumaj wiyacamay.
25 Chay-niraj warmitaga ama parlapanquipischu ni munapanquipischu.
26 Chayno warmicunaga achca runatami wañuyman chayachisha.
27 Chay-niraj warmicunaman aywaparga caycanqui