1 Ïju, bisïnuyquita garantiyasha carga,
2 quiquillayquimi mana alliman chayaycanqui.
3 Ïju, garantiyashayquipita jucpa munayninman chayasha carga noga nishäta ruray.
4 Ama wiyaräcuychu.
5 Runa wañuchinanpita lluychu gueshpishanno ayguicuy.
6 Ticsacuna imano rurashallantapis ricacuy guella runacuna.
7 Paycunapaga mandajninpis manami canchu.
8 Niycarmi usya quillallacho micuynincunata shuntacun.
9 Guellacuna, ¡ama puñuräcuynachu!
10 Puñucushayquicama, jajtaycashayquicama,
11 muchuyga puricachaj runa-jina
12 Mana alli ruraj runacunaga
13 Ñawillanwan guepishtapan.
14 Mana allicunallatami yarpanpis.
15 Chaypitami illajpita ñacayman chayapayconga.
16 Sojta castata, asta ganchis castatami Tayta Diosga fiyupa melanäcun:
17 Alli-tucojcunata,
18 jucha aparicuyllapaj yarparajta,
19 llullacur jucpa contran declarajcunata,
20 Ïju, taytayqui willapäshushayquicunata sumaj wiyacuy.
21 Mana gonganayquipaj shonguyquicho sumaj yarparay.
22 Maypa aywaptiquipis chay yachachishäcunaga allimanmi chayachishunquipaj.
23 Mandamintucunaga achqui tübu rataycajnömi caycan.
24 Mañösa warmipita,
25 Chay warmi cuyayllapaj car luwarta goshuptiquipis ama rimapanquichu.
26 Guellayllapaj runata chasquej warmiwan cacorga micunanpaj cajtapis runa ushanmi.
27 Pipis shanshata millgayninman wiñacorga
28 Pipis shansha jananpa purerga
29 Chaynömi runapa warminwan cacojpis
30 Micunanpaj mana captin pachanpaj suwacojcunataga
31 Mana jamurparpis suwacushanta tariparga suwacushanpita ganchis cutipa mastarämi pägachenga.
32 Runapa warminwan cacöga mana tantiyacoj upa runami.
33 Juchata rurashanpitami magar-ushashapis, ashllir ushashapis canga.
34 Runan musyaycorga chay runapaj fiyupami rabyacurconga.
35 «Mana allita rurashäpita pägashayqui» niptinpis manami munangachu.