1 Ïju, yachachishäcunata sumaj wiyacuy.
2 Llapan willapashäcunata wiyacorga alli yachajmi canquipaj.
3 Mañösa warmiga mishquillarämi parlanpis.
4 Chayno warmita chasquipaj cäga asgächicojnörämi llaquicongapaj.
5 Chay-niraj warmiwan purerga wañongapämi.
6 Chayno warmiga alli goyaypaj manami yarpachacunchu.
7 Ïju, chaymi llapan willapashäcunata sumaj wiyacuy.
8 Mañösa warmipitaga witicuy.
9 Mana witicuptiquega pengaymanmi chayanayquipaj.
10 Ñacar arushayquitapis jäpa runacunami shuntanga.
11 Chauraga ñacayman chayar, gueshya charishuptiqui llaquicur waganquipaj.
12 Chayrämi ninquipaj: «Imanir-raj willapämashancunata manacajman churarä.
13 Yachajcuna yachachimaptinpis manami wiyacojchu cä.
14 Cananga llapan runacunami musyan
19 Mösullayquicho tarishayqui warmiga cuyayllapaj lluychunömi.
20 Ïju, quiquiquipa majayquiwan alli cushisha goyaycashpayquega
21 Imanölla runa cawashantapis Tayta Diosga ricaycanmi.
22 Juchasapacunataga quiquin mana allita rurashancunallami tunichenga.
23 Tantiyacuyta mana munashanpitami tucuy mana allimanpis chayanga.