1 Ïju, ama gonganquichu llapan yachachishäta.
2 Chaynöpami unaycama alli cawanquipaj.
3 Ama imaypis gonganquichu cuyapäcoj cayta.
4 Chayno alli cawaptiquega Tayta Diospis allimi ricashunquipaj;
5 Llapan shonguyquipa Tayta Diosman yäracuy.
6 Imata ruraycashayquichöpis Tayta Diosllaman yäracuy.
7 Ama yachaj-tucunquichu.
8 Chayno allita ruraptiquega cuerpuyquipis sänumi cangapaj; sinchimi canquipaj.
9 Ima-aycayqui cashallanpitapis Tayta Diosta rispitar garayniquita apay.
10 Chauraga Tayta Diosmi micuyniquicunatapis, micuy churacuna wasiquichöpis juntay-juntay cachenga.
11 Ïju, Tayta Diosninchi piñacushuptiquega ama jagayanquichu.
12 Tayta Diosga cuyashan wamrancunatami piñacun
13 Cushishami goyanga yachaj runaga,
14 Yachaj cayga guellaypitapis masmi bälin.
15 Yachaj caymanga cuyayllapaj perlas rumipis manami tincunchu.
16 Yachayga derëchu caj maquinwan mana ushacaj cawaytami tarichicun.
17 Chay yachay nishannölla rurarga alli cushishami goyanga.
18 Yachacojcunata yachayga allimi goyächin.
19 Tayta Diosga yachaj cayninwanmi cay pachatapis sumaj tacyachisha.
20 Fiyupa yachaj munayniyoj cayninwanmi lamartapis raquisha;
21 Ïju, mana yamacaypa allillata ruranqui.
22 Chaura gampäga cangapaj alli goyaymi.
23 Chauraga mana manchacuypami maypapis purinquipaj.
24 Puñurpis manami manchacunquipänachu.
25 Illajpita ima chayashunayquitapis manami manchacunquipächu.
26 Tayta Diosmi cuydaycäshunquipaj.
27 Yanapänanpita ñacaycaptenga pitapis yanapanqui.
28 Ima-aycayquipis caycaptin mañacushuptiquega
29 Pipis yäracushuptiquega
30 Pipis achäquita mana ashipaycäshuptiquega
31 Fiyu runa rurashantano ruraytaga ama munapanquichu.
32 Fiyu runacunataga Tayta Dios melanäcunmi.
33 Juchasapacunata Tayta Diosga famillyantintami manacajman churan.
34 Manacajman pitapis churajcunataga quiquintami Tayta Diospis manacajman churan.
35 Yachajcunataga pï-maypis rispitangami.