1 Ïju, willapashäcunata sumaj wiyacuy.
2 Yachaj canayquipaj sumaj wiyacuy.
3 Llapan shonguyquipa llapan callpayquiwan mañacuy
4 Chaytaga ashiy pamparaj guellayta, gorita ashejno.
5 Chayrämi tantiyanquipaj Tayta Diosta imano rispitana cashantapis.
6 Tayta Diosllami yachaytapis yachachimanchi.
7 Juchata mana rurajcunata
8 Allillata rurar cawajcunataga Tayta Diosmi cuydan.
9 Chauraga musyanquipämi alli cajtapis, rasun cajtapis.
10 Fiyupami yachanquipaj.
11 Tantiyaj cashayquiwan yarpaysapa cashayquega
12 Chaypitami llutan mana alli ruraycunapitapis chapäshunquipaj.
13 Salbashunquipaj alli rurayta cachaycur jucha rurayman cutej runacunapa maquinpita.
14 Washäshunquipaj mana allita rurariycur cushicojcunapita;
15 Chay runacunaga allita ruraycashantami cachaycusha.
16 Runanta raysunaj warmicunapitapis chapäshunquipämi.
17 Chay warmiga jipash cashanpita-pacha caj majantapis cachaycunmi.
18 Majanta raysunaj warmiwan cacuyga jucha aparicuymi.
19 Chay warmita gaticurcöga manami allimanga cutinnachu.
20 Ïju, gam ichanga alli caminupa puriy.
21 Dios munashanno goyajcunami, pipis mana rimasha goyajcunami
22 Fiyu runacuna, mana yäracuypaj runacuna ichanga jachata achurisha illgajnömi cay pachapita illganga.