1 Alli yachaj wamraga papänin willapashancunata wiyacunmi.
2 Alli runaga shimillanpitami imatapis allita tarin.
3 Shongun musyashallanwan upälla cacojcunaga allimi cawan.
4 Guellacunaga may-jina imata munaparpis manami tarinchu.
5 Alli runaga llullacuyta manami munanchu.
6 Alli runataga allita rurashancunami mana allipitapis chapan.
7 Waquin runaga imanpis mana caycaptinmi rïcu-tucun.
8 Rïcu runacunaga ima-aycatapis charashancunawanmi salbacun.
9 Alli runacunaga chacaycho achqui achicyaycajnömi cushisha goyäcun.
10 Alli-tucojcunaga pitapis chiquinacuyllachömi cawachin.
11 Imatapis mana ñacayllapa rätu tarishanga fäsimi ushacäcun.
12 Runaga yarpashanta mana tariycur fiyupami llaquicun.
13 Yachachishanta mana wiyacoj cäga fiyupami llaquiconga.
14 Yachaj yachachishanga alli cawananpämi.
15 Alli yarpayniyöga pï-maypitapis alli ricashami canga.
16 Alli yarpayniyojcunaga sumaj tantiyaycurmi imatapis ruran.
17 Fiyu cachaga inrïdumanmi chayachicun.
18 Willapashanta mana wiyacojcunaga cangapaj manacajman churasha y ushapacajllami.
19 Yarpashanta tariycorga runacuna fiyupami cushicun.
20 Yachaj runacunawan goturarga yachaj caytami yachacunqui.
21 Juchasapacunataga imanöllapis disigrasya chayaycanmi.
22 Ima-aycayojpis car alli runaga willcancunatawanrämi raquipan.
23 Pobri runacunapa chacranchöga micuy allimi wayun.
24 Mana allita ruraptin wamranta mana astejcunaga manami wamranta cuyanchu.
25 Alli runacunaga sacsashancamami micun.