1 Corrijiptin wiyacur alli tantiyacöga yachaj caytami munan.
2 Alli runataga Tayta Dios allimi yanapan.
3 Llutanta rurajcunaga manami tacyangachu.
4 Alli warmiga majanta sumaj rispitädu cayman churan.
5 Alli runacunaga alli cajcunallatami yarpan.
6 Fiyucuna rimashanga caycan imatapis wañuchinanpaj trampanömi.
7 Fiyucunaga mana alliman chayashallanchömi ushacan.
8 Yachaj runataga yachaj tantiyaj cashanpitami alli rispitan.
9 Pishipacojlla caycar mishti-tucojpitaga
10 Alli tantiyacoj runacunaga uywancunata cuyapayta yachanmi.
11 Chacracho arojcunapaga micuyninpis manami pishinchu.
12 Fiyucunaga fiyu-masincuna jucta guechushantami munapan.
13 Fiyucunaga quiquinpa shimillanpitami tucuyman chayan.
14 Alli runaga shimillanpitami imatapis allita tarin.
15 Mana tantiyacojcunaga llapan rurashan alli cashantami yarpan.
16 Mana tantiyajcunaga jucllami imallapitapis rabyacurcun.
17 Rasun cajta rimaj runaga rasun cajllatami declaranpis.
18 Waquin runapaga gayapashan nanayparämi chayaycun.
19 Rasun cajta rimashancunaga manami imaypis gongacanchu.
20 Fiyucunaga imanöpapis engañayllatami yarparaycan.
21 Alli runaga imaypis manami ñacangachu.
22 Llullacojcunataga Tayta Dios melanäcunmi.
23 Yachajcunaga imano yachashantapis manami willacunchu.
24 Aroj runacunaga munayniyojmi canga.
25 Fiyupa llaquicuptenga pachapis chacacäcojnömi ricacun.
26 Alli runaga runa-masinta alli yarpaytami gon.
27 Guella runaga jirca animalta charishanta micunallanpäpis manami camarinchu.
28 Allillata rurar goyayga alli cawaymanmi chayachicun.