1 Tayta Dios melanäcunmi suwa pësacunataga.
2 Alli-tucojcunaga illajpitami pengaycho ricaconga.
3 Alli runacunaga Dios munashanno rurashpanmi alli cawan.
4 Fisyu chayamushan junäga ima riquësanpis manami chapangachu.
5 Alli yarpayniyoj runaga allimi purin.
6 Alli runacunataga allita rurashanmi salban.
7 Fiyu runa wañuptenga
8 Tayta Dios alli runacunataga ñacaypita jorgunmi.
9 Fiyu runaga rimashanwanmi runa-masinta jagayächin.
10 Alli runacuna alliman chayaptenga marca intërumi cushicun.
11 Alli runacuna bindisyunta goptenga marca jatunyanmi.
12 Mana tantiyacojcunaga rejsinacushanpa washantami riman.
13 Willapistacunaga imallatapis ushajpämi willacun.
14 Mandaj mana alli mandaptenga juc nasyun mana allimanmi chayan.
15 Jäpa runacunata garantiyäga mana allimanmi chayan.
16 Alli shongu warmiga rispitashami canga.
17 Cuyapäcoj runaga quiquinpämi allita ruran.
18 Fiyucuna mana allita rurar gänashanga manacajnöllami ushacäcun.
19 Alli cajta rurar goyarga mana ushacaj cawaytami tarin.
20 Jucha rurayllapaj yarparajtaga Tayta Dios melanäcunmi.
21 Mana allita rurajcunaga simrimi castigacanga.
22 Yarpayniynaj cuyayllapaj warmiga
23 Alli runacuna yarpashanga llapanpis allimi camacan.
24 Pitapis macyaycöga imallatapis mas-mastami tarin.
25 Millgaycoj macyaycoj cajcunaga cushishami goyanga.
26 Micuynincunata churacuycoj micha runacunataga marca-masincuna maldisyuntami gon.
27 Allita ruraj cajcunapäga imapis allimi canga.
28 Charashanman yäracojcunaga yöra tunejnömi ushacanga.
29 Wasincho imallanpis cajcunata mana cuyapayta yachajcunapaga wasinchöpis wayrami tumaycanga.
30 Allita ruraj runacunaga alli wayoj yöranömi.
31 Cay pachacho alli runacunapis ñacaycaptenga