1 Chay quimsaj runacuna Jobwan rimanacuycashanpita upällacaycäriran Job yaparir-yaparir «juchaynaj cä» niptin.
2 Chauraga Ram famillyapita mirar aywaj Buz parti runa Baraquelpa wamran Elihú, Jobpaj rabyacurcuran «juchaynaj caycaptë Dios castigaycäman» nejta wiyashpan.
3 Jobpa quimsa amïguncunapäpis rabyacurcuran imanöpapis mana cutichiyta camäpacur Tayta Diosta manacajman churashanpita.
4 Elihüga caran paycunapita mas mösullaraj. Chaymi shuyaraycaran quimsanraj Jobwan parlayta ushananta.
5 Wiyashpanmi payga musyaran waquin cajcunaga Jobta imanöpa cutichiytapis manana camäpacushanta. Chaymi fiyupa rabyacurcur
6 rimayta gallaycuran.
7 Yarparä: ‹Mayur cajcuna parlachun musyashanta.
8 Ichanga Tayta Diospa Espiritunmi runataga yarpayniyoj cananpaj yanapan.
9 Achca watayoj cashanga pitapis manami yachajyächinchu.
10 «Chaymi cananga nogatapis wiyarcallämay.
11 Nogaga upällallami wiyaräcushcä.
12 Chaynöpis wiyashcämi mayganiquipis
13 Gamcuna nirgunquiman ‹Yachashallanchïtaga nishcanchïnami.
14 Jobpis nogataga manami imatapis nimashachu.
15 Paycunaga äyaraycarmi quëdasha.
16 Gam ama yarpaychu paycuna upälla cacushanno
17 Ninäpaj caycashantaga nogapis nishayquimi.
18 Rimanäpäga aypallami caycan.
19 Rimar pashtapacunäpänami caycä.
20 Parlarcuptërämi shongöpis achicyärenga.
21 Manami mayganiquipapis faburniqui cashächu.
22 Nogaga pipäpis manami faburnin parlächu.