1 «Canan noga cayno caycajta ricamar ichanga shullcä cajcunapis asipäman.
2 Paycunataga ¿imapäräshi munäman caran?
3 manchariypaj yargay captin, muchuywan pishipacaptin.
4 Ashgaj jachacunata shatacunacho ashej.
5 Paycunataga marca-masincunapis jitarishami caran.
6 Chaymi paycunaga tiyaj machaycunallacho,
7 Shira rurincunacho wagaj.
8 Paycunaga caran imatapis mana yachaj, mamaynaj taytaynaj.
9 «Cananmi ichanga paycuna asipäman.
10 Fiyupa melanäcamashpanmi nogapita witicun.
11 Cananga, Tayta Diosmi ima-aycäpis manana cananpaj camacächisha.
12 Ñaupämanmi juc röpa runacuna shuntacämun.
13 Caminötapis chapacarcärin.
14 Pergaraycaj curralpa uchcun caycajpa
15 Fiyupa mancharishami ricacushcä.
16 «Cananga wañuypis janächönami.
17 Tullöcamarämi nanaynëpis chayaycäman.
18 Cuncäpita apritamajnömi aptacarcaman.
19 Nogataga mitumanmi jitarimasha
20 «Tayta Dios, gamtami mañacaycämö yanapämänayquipaj.
21 Nogataga fiyupami chiquicarcamashcanqui.
22 Gammi camacächishcanqui wayra apamänanpaj,
23 Musyaycänami wañuchiyta munaycämashayquitaga.
24 «Nogami ichantaga pishëpacojtapis yanapashcä.
25 Nogaga ñacajcunata ricaycur cuyapar wagaj cä.
26 Nogaga cushisha goyaytami yarparä.
27 Shongöga fiyupami ushaycan.
28 Goyaycäpis fiyupa llaquishallami, intiman mana llojshejnölla.
29 Atojcunapa wauguinnömi,
30 Llapan garämi yanayacäcusha. Pasaypa wagruypa-wagrur aywaycan.
31 Arpä wagashanpis llaquicuyllapämi.