1 Job yapay niran:
2 «¡Imanöparaj cutiycöman unay cashä wichanman!
3 Pay achquinwan achquipämaptinmi
4 Noga alli timpullächöraj caycashä wichan alli yanapämaj.
5 Munayniyoj Tayta Diosmi yan'gaycämaran.
6 Chay wichanga lëchipis pampantin yacunöraj caran.
7 «Nogaga simri jamaraj cä siudächo mayur runacuna shuntacar jamarajcunawanmi.
8 Mösucunapis ñaupancho captëga päsanäpaj witicoj.
9 Mas rispitädu runacunapis parlaycashanpita upällacaycärej.
10 Mandajcunapis rimaycashanpita jinan öra upällacaycärej.
11 «Runacunaga ricamarpis wiyamarpis
12 Chaynöga parlaj wacchacunata, pobricunata,
13 Fiyupa muchupacaj runacuna agradësicamaj.
14 Nogaga pitapis mana suwapaypami, allita ruraj cä.
15 ¡Nogaga gapracunapäpis ñawinnömi caj cä.
16 Pishëpacojcunapäga papäninnömi caj cä.
17 Fiyu runacunapa munayninta ushacächej cä.
18 «Nogaga yarparaj cä: ‹Nogaga pasaypa auquinyayllaparämi wasillächo wañushaj.
19 Nogaga caycä yacu ñaupancho yöra caycajnömi.
20 Nogata rispitamaptin allimi cawashaj.
21 «Llapanmi wiyamaj.
22 Noga parlayta usharcuptëga manami pipis ‹llutanmi› nimajchu.
23 Paycunanami yarpayninman sumaj churacushpan wiyacoj.
24 Paycunapa ñaupancho asinaptëga paycuna cushicoj.
25 Nogami paycunapaga mandajnin caycarä.