1 «Rejsisha jircachömi caycan guellay mïnaga.
2 Allpa rurinpitami fyërrutaga jorgunchi.
3 Runaga pacha rurin chacajmanpis yaycunmi.
4 Pipis mana purinan jircacho,
5 Cay pachachöga chacracuna micuyta wayuchin.
6 Chay rurichömi tarinchi cuestaj zafiro jutiyoj rumita,
7 Chay uchcucunataga imaypis manami ricashachu
8 Chaymanga manami chayannachu aycha micoj jirca animalcunapis.
9 Runaga gagacunachömi ojtin.
10 Gagacunacho ruran mïna uchcucunata.
11 Chayno ojtiycällarmi tarin mayu yuriycashantapis.
12 «Ichanga ¿maychötaj tarinchi yachayta?
13 Runaga manami musyanchu chaycuna alli cashantapis.
14 May-may jatun lamarpis ‹caychöga manami canchu› ninmi.
15 Chaytaga goriwanpis manami rucanchïchu.
16 Fiyupa mas alli caj goriwanpis manami pägashwanchu.
17 Yachayga goripitapis, achicyaj gueshpipitapis masmi cuestan.
18 Yachayga lamarpita jorgushan ‹coral› jutiyojpitapis mas cuyayllapämi.
19 Yachaywan tincuchishaga Etiopiacho caj ‹crisólito› cuyayllapaj chanin cuestaj rumipis manami tincunchu.
20 «Chaura ¿maychötaj tarinchi yachayta?
21 Llapan cawajcuna mana ricananchömi pacaraycan.
22 Infiernupis wañuypis ninmi:
23 «Diosmi ichanga musyan yachay maycho caycashantapis.
24 Payga ricaycanmi allpapa cuchuncamapis.
25 Tayta Diosmi wayrapa callpantapis gosha.
26 Paymi nisha imay tamyapa timpun cananpäpis;
27 Chay örami yachaytapis chaycho ricaran.
28 Nircur runacunata Tayta Dios niran: