1 “Life don taya mi;
2 I go tell God sey, ‘Before Yu kondemn mi,
3 E good as Yu dey opress mi?
4 “Yu dey si tins di wey wi dey si dem?
5 Yor life short like awa own?
6 Den wetin make Yu dey look for my sins
7 Even doh Yu know sey I nor dey guilty,
8 “Na di same hand wey Yu take make mi,
9 Make Yu remember sey na san Yu take make mi;
10 Na yor pawa my papa take born mi;
11 Yu make my body with bone kon kover
12 Yu don give mi life kon show mi yor love wey nor dey die.
13 But na naw I know sey for all dat time,
14 Yu dey look to si weda I go sin,
15 If I sin, na big wahala Yu dey give mi,
16 If I sey make I karry body up,
17 Yu must get pipol wey go tok against mi;
18 “God! Why Yu let my mama born mi?
19 To die for my mama belle,
20 Abi my life neva finish?
21 I go soon go di land where Yu nor go fit si mi
22 I go-go di dark place where dead pipol and konfushon dey.