1 Omwoyo gwange gweyaase Musengwa
2 Wewihirira enjase hyʼehyambalo
3 Watongola amago gago ŋamugulu wʼamaaji
4 Afuula abahwenda babe ohuba hyʼembeŋo,
5 Waata ehyalo hu musingi omugumu
6 Enyanja yawiiha hu hyalo hyʼomuutu owetaho ehyambalo
7 Aye ni wahayula amaaji, gaŋulira ejanjaasi liryo
8 Gahuluhutira hu sozi nga gaserengetera mu biinamo
9 Waataŋo olwaha ohwabula ehyalo nʼamaaji
10 Oleetera esulo jʼamaaji ohuhuluhutira mu biinamo,
11 Jiŋa esolo josijosi amaaji,
12 Enyuni jitongola ebiswi byajo hu maaji,
13 Atonyesa efula hu sozi ni yiŋwa mwigulu,
14 Amerusa enyaasi hu hyalo ebyayo ohwaya,
15 Era bahungula omwenge ogwʼemizabbibbu gwabaleetera esangaalo,
16 Efula ejuhirira emisaala ja Musengwa,
17 Mu misaala ejo, enyuni jitongolamo ebitala
18 Esolo ejomwisugu ejifaana oti embusi jimenya hu sozi endeeŋi,
19 Wataŋo omwesi ohwabula ebiro,
20 Wataŋo ehiirema ngʼohiranga wiire,
21 Epologoma epere jeŋunduguma,
22 Eryuba ni liŋwayo nga jagamayo,
23 Ngʼaŋo abaatu batiina mu ndimiro jaawe,
24 O Musengwa, nga waahola ebiitu bingi bugali!
25 Agayanja nʼobugalamu waago,
26 Emeeri jigenderaho eyi ni neeyi,
27 Ebitonde byosibyosi bihuumirira
28 Nʼobiŋa emere, nga bijibunga
29 Onaheja eruuyi, byeraliihirira,
30 Nʼobitamo omuuya nga bifuuha biramu,
31 Leha Musengwa geyongere ohuba wʼeŋono emirembe nʼemirembe,
32 Oyo aheja huheja hu hyalo, hyateetema
33 Nja hwemberanga Musengwa mu bulamu wange wosiwosi.
34 Leha epeega yange emusangaasenga,
35 Aye leha abahola ebibi basihiirihe baŋwe mu hyalo