1 Omwoyo gwange gwebase Musengwa,
2 Omwoyo gwange gwebase Musengwa
3 Asoniŋa ebibi bibyo byosibyosi
4 Ahununula ohuŋwa mwiroŋo,
5 Ahuŋa ebiraŋi bingi, wasigala nʼohiiri muŋere
6 Musengwa wʼamazima musala eyʼemisango
7 Gahwehulira Musa etegeha yiye,
8 Musengwa ali nʼehisa nʼehisasabirisi,
9 Saaja huba mu hwoloobyanga hiisi hiseera
10 Satuhangavula ngʼolu hyahali ni hisaana olwʼebibi byefe
11 Ngʼolu egulu liri ŋaleeŋi nʼehyalo,
12 Ngʼolu ebuŋwalyuba yiri ŋaleeŋi bugali nʼebugwalyuba,
13 Ngʼolu omusaaye aŋambira abaana babe ehisa,
14 Hiri hiityo olwohuba amanyire ngʼolu gatuwumba,
15 Obulamu wʼomuutu buli hyʼenyaasi,
16 Embeŋo ehifuuŋa nga hikukumuha
17 Aye ohuŋwa ahale nʼahale Musengwa genda abo abamutya
18 abo abahuuma endagaano yiye
19 Musengwa atongohiise etebe eyʼobuŋugi buwe mwigulu
20 Mweyaase Musengwa enywe abamalayika abasooli abʼamaani abahola ebi genda,
21 Mweyaase Musengwa enywe eŋe lirye mwesimwesi mwigulu,
22 Mweyaase Musengwa enywe ebitonde bibye mwesimwesi,