1 Mwana wase, hebuliranga ebi kulaabbira,
2 Hola ebi kuloma ohuhola oja hubaŋo mulamu.
3 Hiisi hiseera obihuumanga
4 Yendanga amagesi ngʼolu wenda mbojooyo
5 Hija huhuhingirisa omuhasi omuhwedi
6 Lulala naheja ebulafu ni ndi ŋa
7 nga mbona abavubuka ababuyabuya
8 Nabita mu ngira huupi nʼekoona,
9 ehyʼegulo mu hiirema ehidaayi,
10 Ngʼaŋo omuhasi owambala ebyambalo ebisendasenda aŋwayo
11 Omuhasi oyo gaali aŋuma soni
12 Gaberereranga ni gereresa mu hiisi luguudo
13 Gatiina ngʼagwa omuvubuka oyo mu hifuba,
14 “Engo ndiyo nʼeŋongo eyʼohutabagana
15 Olwʼehyo nijire ni kwendula
16 Naalire obuliri wange nʼamasuuka aga bahola
17 Obuliri mbuhubbireho ahaloosa ahamiira
18 Nja hutiine huhyese owiire ni hunywa obulamu,
19 olwohuba engo wamwange aŋumaayo,
20 Gatiinire nʼehihapu hyʼebbeesa
21 Nʼebibono ebi hooŋahooŋa,
22 Aŋo ni naaŋo gamulondaho
23 paka olu hasaale hamufumita omwoyo
24 Kale baana bange muŋulire ebibono ebi ndoma
25 Mutaleha muhasi oyo hwiba myoyo jenywe
26 Agwihiise bangi
27 Enyumba yiye ngira ehuŋira emagombe,