1 Mwana wase, ŋira ebibono ebyʼamagesi ebi kuŋa ngʼehihulu
2 wahamanya ehiraŋi ehyʼohuhola,
3 Ebibono byʼomuhasi omuhwedi biŋomerera hyʼomudugere
4 Aye hu komerero aluluŋa hyʼenduse
5 Singa omwetehera, oja hutiina mu hufa
6 Gabbaama gaŋwa hu ngira ereeta obulamu
7 Olwʼehyo baana bange, mupulirise
8 Mweŋalenga ebikolwa bibye
9 Singa ohihola oja hufiirwa eŋono liryo
10 abagwira baja huŋira obuŋinda wuwo
11 Hu komerero yʼobulamu wuwo
12 Oja hwehebulisa oti,
13 Sinaŋulirisanga basomesa bange
14 Ŋaahani nolire ohusihiiriha
15 Omuhasi wuwo ali hyʼesobere yʼamaaji amalaŋi,
16 Hisaana amaaji gago ohuhuluhutira mu nguudo,
17 Leha amaaji gomu sulo ejo gabe gogo weŋene
18 Leha omuhasi wuwo abenga hyʼesulo eyʼekabi
19 Omuhasi wuwo muŋoono era mulaŋi
20 Mwana wase, lwahiina omuhasi omuhwedi ahuhenamo esamuuna?
21 Musengwa abona byosibyosi ebi ohola
22 Omuhosi wʼebibi agwa mu mitego jʼebibi bibye omwene.
23 Aja hufa olwʼohutaŋuga wongo wuwe