1 Baana bange muŋulirisenga ebi senywe abasomesa.
2 Ebi mbasomesa biraŋi
3 Ni naali ni kiiri mu nyumba ya laata yange ni kiiri museere muŋere
4 bbaabba gaasomesanga ni gandoma ati,
5 Nenda obe mwana alimo amagesi era ategeera
6 Solehanga magesi olwohuba gaja huhuhuuma
7 Ohusuna amagesi njʼehiitu ehisinga obuhulu mu byosibyosi.
8 Yendanga amagesi galihugulumisa waaba wʼamaani bugali
9 Amagesi galihutwihira engule eyʼeŋono
10 Mwana wase ŋulirisanga ebibono ebi kuloma,
11 Kuluŋamya mu ngira ayʼamagesi
12 Nʼonabenga nʼogenda
13 Ŋira esomesa yange ngʼehihulu
14 Otaholanga ebi bahosi bʼebibi bahola
15 Ehyo ohyebayanga era soholanga hya nibo
16 olwohuba abahosi bʼebibi sibaŋenyuha ni bataholire bibi,
17 Ebi balya nʼebi banywa mbebyo
18 Aye ekola yʼabagwalaafu yiri hyʼohwanuuha hwʼeryuba ni litandihirisa ohuŋwayo,
19 Ne ekola yʼabahosi bʼebibi yiri hyʼehiirema ehiŋambire oti ngu ngu ngu
20 Mwana wase, taayo omwoyo hu ebibono byange
21 Bitahuŋwanga mu biŋeego
22 olwohuba bireeta obulamu eyiri abo ababitegeera
23 Mu byosibyosi, huumanga omwoyo gugwo
24 Yeŋalamenga ohuloma ebyakalebule,
25 Luŋamya emoni eyi oba nʼotiina,
26 Teresanga amagendere gago gabe maluŋamu
27 Otasagasagananga,