1 Ni wiihalanga hu hiiŋulo nʼomuŋugi ohulya,
2 Nʼoba nʼolya bugali,
3 Soluluhaniranga mere eyi ahwiŋuuye, habibe binoli biitye
4 Siwehenererangamo olwʼohwenda ohusuna obuŋinda
5 Obuŋinda buŋangire ohuhuŋwaho hyʼohubbalya hwʼemoni,
6 Solyanga mere yʼomuutu owenge
7 olwohuba njʼomuutu mula mu mwoyo gugwe
8 Oja husesema ebi oliiye,
9 Sohenanga biseera mbo oŋa omuŋubeebe amagesi
10 Socuusanga hiroowa ehi bahoma ahalehale
11 olwohuba Omununuzi waawe wʼamaani
12 Taayo omwoyo hu bibahusomesa
13 Solehanga huhangavula mwana
14 Muŋeemo endabusi, oŋonie obulamu wuwe.
15 Mwana wase singa oba mugesi mu mwoyo gugwo, hija husangaasa.
16 Nja husangaala ni pulira nʼoloma ebibono ebyʼamagesi.
17 Esaalwa sehuŋambanga olwʼababbengi
18 Mu butuufu, onaholenga otyo
19 Mwana wase tegere ohutwi wahaba mugesi
20 Soholanga muhumba ni naabo abanywa omwenge babitiirisa
21 olwohuba abameesi nʼabomulyerye bafuuha bagadi
22 Ŋulirisanga lataawo owahusaaye
23 Ofubangaho wagula amazima era sogatundanga
24 Semwana yʼomugwalaafu aba musangaafu bugali
25 Leha lataawo ni maawo basaŋalye,
26 Mwana wase, taayo omwoyo hu ebi kuloma
27 Abahasi abamalaaya nʼabahwedi bali hyʼeroŋo ereeŋi.
28 Hyʼabakondo, abahasi abo beteega abasinde bangi,
29 Njʼani ali nʼebigosi hiisi hiseera?
30 Njʼoyo ahenera ebiseera mu hunywa omwenge
31 Otahejanga hu mwenge huhusendasenda
32 Oluvanyuma gumufuuhira hyʼobusagwa wʼefulugundu.
33 Emoni jijo jija hutandiha ohubona biroliroli
34 Oja huba hyʼomuutu agendera hu maaji,
35 Oja huloma oti, “Bakubba aye sibaakosa.