1 Omwana omugesi ataayo omwoyo hu ebi semwana amulaabbira
2 Omuutu omugwalaafu asuna omuhemba olwʼebibono ebiraŋi ebi aloma
3 Oyo owegenderesa mu ndoma ahuuma obulamu wuwe
4 Omuutu omudoto safuna ehi gegomba
5 Omuutu omugwalaafu acaawa obudulingi
6 Esambo jʼomugwalaafu jimuŋonia
7 Ŋaliŋo omuutu oweranga ohuba muŋinda atenga ko panaŋo
8 Omuŋinda atambisa obuŋinda wuwe ohwenunula mu higosi
9 Omugwalaafu ali hyʼenjase eyimulisa hiisi ŋaatu
10 Amalala galeeta obuyoga
11 Obuŋinda obu muutu asuna mu ngeri embi buŋwaŋo mangumangu
12 Ohuŋuma esuubi hireetera omwoyo ohulwala
13 Oyo anyooma ebi bamubulirira aja husihiiriha
14 Esomesa yʼomuutu omugesi yiri oti sulo eyireeta obulamu
15 Ohusalaŋo ohulaŋi hihuleetera owende
16 Omuutu omutegeefu ahena huŋeega hu hiitu ko gahihola
17 Omuhwenda omuhosi wʼebibi ahugwisa mu bugosi
18 Atenda humubuulirira gafuŋala gahena gaswala
19 Omuutu asangaala singa asuna ehi abaaye nʼaŋembaho
20 Oyo ahola omuhumba nʼomuutu omugesi yeesi afuuha mugesi
21 Ebigosi birumba abo abahosi bʼebibi
22 Omuutu omulaŋi asuna obuŋinda obu aleeheraho nʼabejuhulu babe
23 Endimiro yʼomugadi yisobola ohwama emere nyingi
24 Oyo ataŋamo mwana wuwe endabusi aba samwenda
25 Omugwalaafu alya geguta