1 Dagu dama, koe gi daohia agu muna
2 Daohia agu muna gi mouli ai goe,
3 Noodia ange mee nei gi honga oo madannia,
4 Hai ange gi de heiangi, “Go koe dogu daina hahine,”
5 Luu mee nei e buibui naa goe i de hine dagodo haisala,
6 Au nogo duu i ma te abaaba damaa mee i dogu hale,
7 Gai au ne galo ange ga tilo denga dama daane mmodo,
8 Ia e seesee iho i honga de haiava i gaogao de hale o dahi hahine,
9 i de masavaa gu dai gohugohu ai i de ahiahi,
10 Gai tilo, dahi hahine ne humai ga hedae ange gi de ia,
11 Ia se hine nngana de leo ma de makaga ono lodo,
12 ia e hano saele i honga de haiava ma lodo mommee hagao mee,
13 Ia ne poo tama daane laa ga oso ia,
14 “Au ne hai ssigidaumaha hagadanuaa magavaa anailaa nei,
15 Deenei ai, au gu humai e hedae adu gi de goe,
16 Au gu haoli dogu moenga i malo \+w linen\+w* iai leebunga danuaa mai i Egypt.
17 Au gu hagamanongi dogu moenga i denga \+w myrrh\+w*, ma aloe, aama cinnamon.
18 Humai, gidaau ga hai gi tae odaau lodo i de aloha
19 Go hiidinga dogu bodu gu dee maleva i de hale,
20 Ia ne kave madali ia dahi beagi hhao sseene,
21 Gai ana muna hagasenga gu kave lodo o tama daane laa,
22 De masavaa laa donu huu gai tama daane laa ga daudali ange i de hine laa,
23 ga dae ai gi de velosia dono ade;
24 Agu dama, nnoho mai hagalaangona agu muna,
25 Koe gi dee lodo e daudali i ono haiava,
26 Gu soa daane aana ne hagaduasala,
27 Dono hale go de haiava e hano laa gi de mommee o de gau maakau,