1 E aha, de heiangi e dee oo laa ma e hagaagahi?
2 Ia e duu i honga denga mommee maolunga i gaogao de haiava,
3 ma gaogao denga haitoga e ulu ai gi lo te aduhale,
4 “Au e hagaagahi adu goodou, dangada alodahi,
5 De gau llodo ssenga, haia gi maanetonu goodou,
6 Goodou hagalaangona, go hiidinga e hanu agu mee hagamogomogo e tala adu;
7 Au e tala de muna abodonu i dono ngudu,
8 Muna alodahi aagu e tala e heohi,
9 Agu muna alodahi e molomolo ange gi gilaadeu e tonu ange,
10 Gaavee agu agoago, e dee go denga selevaa;
11 Go hiidinga de heiangi e danuaa ange i denga hadu hagamogomogo,
12 Gai ogu dagodo, de heiangi, au e noho madali de donu ange,
13 De madagu i Tagi Maolunga e kino i de baubau;
14 Muna bale ma de heiangi abodonu e daakodo i ogu daha,
15 Go au, de heiangi o denga hodooligi e dagi ai,
16 go au, de heiangi, a denga dagi ma de gau aamua
17 Au e aloha i gilaadeu e aaloha i de au,
18 De lava ma de hagadubu e daakodo i ogu daha,
19 Ogu hua e danuaa ange i denga goolo ma goolo hagamogomogo,
20 au e seesee i de haiava o de heohi,
21 ma de bolo ange de lava gi gilaadeu e aaloha i de au,
22 Tagi Maolunga ne hai au i taamada hugadoo o ana hegau,
23 Madagidagi loo gai au gu dahi donu,
24 De masavaa tigi ai se moana gelo, gai au gu dahi donu,
25 I mua de hagatuu age o denga mounga i olaadeu mommee,
26 i mua dana hai henua i lalo ma denga duu malaelae i kilaa,
27 Au gu noho donu i de masavaa aana ne hai ai de langi ga hagaduu i dono mommee,
28 de masavaa aana ne hai ai denga giliiga i lo te langi,
29 ma de masavaa aana ne hagamodu ai de ngaadonga o tai,
30 Gai au, de heiangi, se labagau e noho madali ia.
31 ma de malangilangi i henua i lalo alodahi aana ne hai,
32 Deenei ai, agu dama, goodou hagalaangona agu muna;
33 Nnoho mai hagalaangona agu agoago gi heiangi ai goodou,
34 E manuuia tangada e hagalaangona agu muna,
35 Go hiidinga be goai e gidee au e gidee de mouli,
36 Aagai be goai e dee gidee au e hagaduasala donu huu ia,