1 Dagu dama, noo koe gu hagatoo donu e hagao muli
2 noo koe gu noodia i au muna gu tala,
3 dagu dama, deenei dau mee e hai gi ola ai goe,
4 Aude seni donu,
5 Hagaola ina goe, bei dagodo o dahi dia e ola mai laa i tangada dili manu,
6 Tangada vaiduu, hannoo gi daho de loa,
7 Denga loa e deai donu se dangada e daalaa ange alaadeu mee e hai,
8 gai gilaadeu e hagadabena delaadeu hagamouli i de masavaa mahanahana,
9 Tangada vaiduu, dee hee maa taulooloa doo dagodo donu huu i kinaa?
10 Koe e hagadaba, “Au e damaa mmoe luoogu mada, e damaa seni ange,
11 de hagaau aloha e duu adu naa gi de goe bei tangada gaiaa,
12 Tangada e deai ono haigamaiana, se dangada baubau,
13 ia e hai gi dabadaba luoono mada,
14 ia e hagasaele denga hagatau baubau i ono lodo,
15 Deenei ai, de hai ngadaa e daa hagalele naa donu de duu ange gi de ia;
16 E ono mee o Tagi Maolunga e kino ai,
17 go luu mada hagamaolunga,
18 ma de lodo e haia denga hagatau baubau,
19 ma tangada tala hagadonu hadu muna,
20 Dagu dama, daohia hainga a doo damana,
21 Daohia mee nei i oo lodo i masavaa alodahi,
22 Agoago nei e dagi naa goe i doo seesee,
23 Go hiidinga de muna nei e bei de laama, gai de agoago nei se mee hagamaalama;
24 gai e buibui ai goe i de hine dagodo haisala,
25 Aude lodo ange gi dono mahamaha,
26 gai de hagaoanga o de hine hai be se manu
27 E maua e tangada i de hhao ange de ahi gi ono hadahada,
28 Aabe e maua e tangada i de seesee i honga denga maga ahi ula,
29 Gai e bei ai hogi taane e hano gi daho de bodu o dahi daane gee,
30 Dangada e dee hagabaubau tangada gaiaa
31 aagai noo ia gu boogia mai, gai ia e hagao donu gi hidu hanonga e kii ange ai,
32 Taane dagodo haisala se dangada donu senga,
33 Taane bee nei e hagailiilia naa ma de hagangadi mee ina,
34 gai de maagoda e hai ga kona de lili o taane dau bodu,
35 Ia e dee lodo donu e kave dahi hagaoanga;