1 Dagu dama, anga mai gaavee dogu heiangi,
2 gi maanetonu ai goe, gai au muna e tala gi dagodo ai de iloo mee.
3 De ngudu o de hine dagodo haisala e maimai bei denga madaua hooni,
4 aagai dono hagaodi e hagammau bei de mee mmala,
5 De hine bee nei e seesee i de haiava o de magau,
6 Ia e dee maanadu donu dagodo o de haiava o de mouli;
7 Agu dama, goodou hagalaangona agu muna,
8 Koe gi hagammao gee i de hine bee nei,
9 ana vakaa ga gaavange e goe oo mahi gi hanu dangada gee,
10 gai hanu dangada gee gu hagadanuaa i oo mahi,
11 de hagaodi o doo mouli gai koe e gonogono naa,
12 koe ne hagadaba, “Au ne kino mmao i dogu agoagona,
13 Au tee hagallongo ange gi muna a ogu dangada agoago,
14 Ne momo ange donu huu au gu hagadogaa ina
15 Unumia donu huu vai mai i lo taau vai hoda,
16 Aude dugua ange ono vai gi ssali gi hulo gi hanu mommee gee,
17 Aagai go koe donu huu e unu ai,
18 Koe gu manuuia i dau vai,
19 Ia e bei dahi dia hahine mahamaha, gai se dia hahine e tilo danuaa.
20 Dagu dama, gu aha gu dugu ange ai goe de hine dagodo haisala gi gaavee oo lodo?
21 Tagi Maolunga e gidee danuaa hegau a tangada,
22 Hegau baubau a tangada baubau e gidee mai naa donu,
23 Ia e magau naa i hiidinga ia tee agoagona,