1 De masavaa naa huu oou e noho ai e gaimee madali dahi dagi,
2 gai koe duudia mai au mee e gai,
3 Aude lodo donu i ana gai mammami,
4 Aude hagadalea ange gi denga goloa lagolago;
5 De masavaa donu huu aau e gidee ai, gai gu dee maaleva,
6 Aude gaina gai a tangada gailalopoli,
7 go hiidinga ia e bei tangada e maanadu laa de hagaoanga.
8 Koe e hagalueia mai naa au momo mee gu gai,
9 Aude basa gi langona e tangada lodo senga,
10 Aude hagangaalue ina denga hadu goinga madagidagi
11 go hiidinga delaadeu Ia Hagaola e mmahi,
12 Haia gi donu ange goe gi denga agoago,
13 Koe gi dee daohia de haele o dau dama;
14 Noo koe e hagaili ia i de laagau,
15 Dagu dama, noo koe e heiangi oo lodo,
16 gai au e malangilangi naa,
17 Aude lodo gaiaa ange gi de gau haisala,
18 Ni muna abodonu, e dahi donu au tali ange gi de masavaa e humai,
19 Dagu dama, hagalaangona agu muna gi heiangi ai goe,
20 Aude hagabuni ange gi gilaadeu e unumia uvaini lagolago,
21 go hiidinga de gau ssenga ma de gau aagai e hagaau aloha naa,
22 Hagallongo ange gi doo damana ne hagadili ina goe,
23 Hagao ina de mee abodonu, gai koe gi dee hagao ina gi daha,
24 Tamana o tangada heohi e laumalie dono malangilangi,
25 Haia gi malangilangi luoo maadua,
26 Dagu dama, dugua mai oo lodo gi de au,
27 De hine hai be se manu e bei de geelinga gelo,
28 Ia e bei tangada gaiaa e mmuni laa ma e tali ai,
29 Goai e hai ngadaa? Goai e daemaha?
30 Go gilaadeu e daulooloa delaadeu nnoho i denga uvaini,
31 Aude galo ange gi diiloo uvaini i lo te ubu i de masavaa e mmea ai, ma de ebuebua,
32 Muli mai gai e kadi bei de labodo,
33 Luoo mada e gidee naa denga mee hagamaatagu,
34 Koe e bei naa tangada e seni laa i honga de moana,
35 Koe e hagadaba naa, “Gilaadeu ne hagaili au,