1 Dagu dama, noo koe e hagallongo agu muna
2 ma de kana ange ga hagallongo gi donu ange goe aagena
3 gai noo koe e dangi ange gi dahi ai au iloo
4 noo koe e ssala de heiangi bei dau ssala gi maua denga selevaa
5 gai koe e donu ange naa gi dagodo de madagu i Tagi Maolunga,
6 I hiidinga go Tagi Maolunga e gaavadu de heiangi abodonu,
7 Ia e doange de heiangi e gaavange gi gilaadeu e heohi,
8 ma de hagaloosi ange haiava olaadeu e hai hegau i de mee heohi,
9 Gai koe e donu ange naa gi de mee heohi ma de hagamodu heohi, ma de soe,
10 Go hiidinga de heiangi e gaavadu naa gi oo lodo,
11 Doo maanetonu e buibui naa goe,
12 ga hagaola goe mai i de haiava o de baubau
13 gilaadeu e tili denga haiava ssoe
14 gilaadeu e malangilangi i de hai mee dee heohi
15 gai olaadeu haiava e pigo,
16 De heiangi e buibui goe i de hine dagodo haisala,
17 go de hine gu tili dono bodu ne hai i de masavaa oona se damaa hine ai,
18 De haiava ange gi dono hale e hano ga duu ange gi de magau,
19 e deai donu se daane e hano gi ono daha e ahe mai
20 Gai koe gi daudali i de haiava o de gau danuaa,
21 I hiidinga go gilaadeu e heohi e nnoho i honga de henua,
22 aagai de gau baubau e hai naa gi dee nnoho i de henua,