1 Dagu dama, aude ngalo agu agoago,
2 gi lagolago ai oo laangi ma ngadau e mouli ai
3 De abodonu ma de hai hegau i de mee abodonu e dee hulo gee naa donu i oo daha,
4 Gai de Maadua ma dangada e hagadubu naa goe ga hagaamua doo ingoo.
5 Hagadonusia Tagi Maolunga i oo lodo alodahi,
6 koe gi manadua ia i mee alodahi aau e hai,
7 Aude hagadaba bolo koe e heiangi,
8 De mee nei e hai naa ga ieiangi goe,
9 Hagadubu ina Tagi Maolunga i doo lava,
10 gai gi hoohonu ai lodo o oo mommee doange,
11 Dagu dama, aude hagangadi mee ina de haele a Tagi Maolunga goe,
12 go hiidinga Tagi Maolunga e hagasee tangada oona e aloha ai laa,
13 E manuuia tangada gu heiangi,
14 go hiidinga de mee e maua ai e danuaa ange i selevaa,
15 De heiangi e hagamogomogo ange i denga ruby,
16 De mouli daulooloa e daohi i dono lima madau,
17 Ono haiava e hagamalangilangi,
18 De heiangi e bei de manu somo o de mouli, ange gi dangada alodahi e gaavee;
19 Tagi Maolunga ne hagaduu henua i lalo i dono heiangi,
20 Dono iloo mee ne vvae denga moana kelo,
21 Dagu dama, aude dilia de heiangi ma de maanetonu;
22 luu mee nei e gaavadu naa gi de goe de mouli,
23 Gai koe ga seesee ai naa i de baba,
24 de masavaa oou e dagodo ai gi lalo, gai koe e dee madagu;
25 Aude madagu i de mee hagamaatagu e humai daa hagalele laa,
26 go hiidinga Tagi Maolunga go dau tali hagalodolodo,
27 Aude daohia de mee danuaa i gilaadeu e heohi dau bale ange,
28 Aude hai ange gi tangada e baa adu gi de goe,
29 Aude haia dahi hagatau baubau e hai baasi ange ai gi tangada e baa adu gi de goe;
30 Aude hagadaumee ange gi dahi dangada i teai hiidinga,
31 Aude lodo gaiaa ange gi tangada alasala,
32 go hiidinga Tagi Maolunga e kino i tangada vaivai dagodo,
33 Tagi Maolunga e hagamalaia de hale o tangada baubau,
34 Ia e doo mee i gilaadeu e doo mee i de ia,
35 Tangada heiangi e hagadubulia naa,