1 E danuaa ange dau gai de bagu pelaoaa gai e noho i de mommee iai de baba ma de malino,
2 Tangada hai hegau heiangi e dagi naa tama hagadookaa dangada,
3 De anibada se mee ange gi denga selevaa, gai de ahi mmahi se mee ange gi denga goolo,
4 Tangada baubau e hagallongo muna a tangada baubau,
5 Tangada e hakadanga laa i tangada hagaau aloha,
6 Denga mogobuna go de hau i honga biho o de gau madumaatua,
7 De tala muna hagadubu e dee heohi ange gi tangada lodo senga,
8 De ngadi gaavange hagasenga e bei de mee hai huuhuaa mee nii tangada ne gaavange,
9 Tangada e degi ange laa gi haisala o dahi e ssala de hagadau aaloha,
10 Tangada heiangi e maua ange i de kave dono hagaheohi ina i e dahi hanonga,
11 Tangada baubau e ssala de hai gi hai baasi dangada,
12 E danuaa ange doo hedae ange gi dahi bea hahine gu gaavee gee laa ana dama,
13 Noo tangada e sui ange tanuaa i de baubau,
14 Taamada o de hagadaumee e bei de maoha o dahi bae e daohia vai,
15 Tangada e hagaheohi ina laa tangada haisala, gai e hagabaubau tangada heohi —
16 Ni haigamaiana aha de dahi sseene
17 Ssoa abodonu e aloha i masavaa alodahi,
18 Tangada senga e hagatoo donu e hagao muli a dahi dangada gee,
19 Tangada e lodo laa e hagadaumee e lodo hogi i de haisala,
20 Tangada maanadu baubau e deai donu sana mee danuaa e gide,
21 Tangada e hagadili ina dahi dama lodo senga e daemaha ono lodo;
22 De malangilangi i lodo o tangada e bei de valaai danuaa,
23 Tangada baubau e gaavee hagammuni de mee ngadi gaavange hagasenga,
24 Tangada e dahi ono donu ange e daohi de heiangi i mada luoono mada,
25 Tama lodo senga e hagadaemaha dono damana,
26 E dee danuaa de hai tangada heohi gi hagao ina ono mee tee haisala ai;
27 Tangada e daohia laa dono alelo se dangada iloo mee,
28 Tangada lodo senga e dagodo be se dangada heiangi