1 Catli motlatzquilijtoc ipan Toteco Dios Catli Más Hueyi itztos temachtli imaco,
2 Huan na niquijtos tlen TOTECO para yaya nechmocuitlahuía ica ihueyi chicahualis.
3 Pampa san yaya hueli mitzmanahuis tlen nochi tlaquetztli catli sequinoc quintlatise para mitzmasiltise.
4 Quen se tenampillo quintlatía ipilconehua ieltlapaltzala,
5 Huajca ama ayacmo ximajmahui ica tlayohua,
6 Amo xiquimacasi nopa tlaijiyohuilistli catli huala ipan tzintlayohuilotl,
7 Masque monechca miquise mil o majtlactli mil masehualme,
8 Ica moixteyol tiquitas quenicatza quiselise tlatzacuiltili nopa tlaixpanoca tlacame.
9 Sintla timotemachijtoc ipan TOTECO para mitzmocuitlahuis,
10 huajca amo mitzajsis niyon se tlamantli catli amo cuali,
11 Pampa Toteco quintitlanis itequihuajcahua para ma mitzmocuitlahuica,
12 Huan itequihuajcahua mitztlananase ica ininmax para amo timotepotlamis ipan ojtli.
13 Niyon amo timajmahuis masque tijquetzas moicxi ipan se león o se cohuatl catli temictía.
14 Pampa Toteco Dios quiijtohua:
15 Quema nechtzajtzilis, na nijnanquilis.
16 Nijchihuas ma itzto tlahuel miyac xihuitl huan nijmaquixtis.”