1 Nelía cuali para timitzhueyichihuase, TOTECO,
2 Ica ijnaloc ma titepohuilica motlaicnelilis pampa hueyi moyolo,
3 Ma tihuicaca huan ma titlatzotzonaca ica nopa tlatzotzonali catli itoca arpa, guitarra huan lira.
4 NoTeco Dios, ta nelía techchihuilijtoc miyac tlamantli catli cuali,
5 ¡TOTECO, ta tijchihua huejhueyi tiochicahual nextili!
6 Nopa masehualme catli huihuitique amo quimatij niyon amo quimachilíaj.
7 Masehualme catli fiero ininnemilis motlananaj huan mohueyichihuaj ica tlamantli catli amo cuali,
8 Pero ta tiTOTECO, mitzhueyitlalijtose para nochipa pampa ta tiDios Catli Más Hueyi.
9 Xiquita nica itztoque mocualancaitacahua pero nojquiya nica tiquintzontlamis.
10 Pero techmacas na chicahualistli quen se toro catli nemi cuatitla.
11 Niquitas quenicatza tiquintzontlamis nocualancaitacahua.
12 Pero catli itztoque xitlahuaque iixpa Toteco quipiyase chicahualistli.
13 Masehualme catli cuajcualme quipiyase chicahualistli quen cuame catli quintoctoque ipan ichaj TOTECO,
14 Huan quema nopa cuajcualme huehuejtiyase, noja quipiyase fuerza.
15 Huan ya nopa quinextis para TOTECO catli nechmocuitlahuía quichihua catli melahuac.