1 Nochi tlen initztoque ipan tlaltepactli,
2 Ma tijhuicatica TOTECO ipampa nochi tlen quichijtoc.
3 Ipan nochi tlaltepactli ma titepohuilica ihueyitilis huan nochi tlamantli yejyectzi tlen quichijtoc.
4 Pampa TOTECO nelía tlahuel hueyi huan quinamiqui ma tijhueyimatica.
5 Pampa nochi nopa tiotzitzi tlen quinhueyichihuaj ipan sequinoc tlaltini,
6 Campa itztoc Toteco senquistoc onca itlatlanex huan temitoc ica ihueyitilis.
7 Nochi intlacame tlen nochi tlaltepactli,
8 Xijtlepanitaca TOTECO queja quinamiqui.
9 Xihualaca huan xijhueyichihuaca TOTECO.
10 Xiquinpohuilica nochi tlaltini para Toteco tlanahuatía.
11 ¡Ma paqui elhuicactli huan nochi tlaltepactli!
12 ¡Ma paqui nopa cuatitlamitl huan nochi tlen onca,
13 pampa yajaya huala.