1 ¡Nochi tlaltepactli ma paqui pampa TOTECO tlanahuatía!
2 Mixtli huan tzintlayohuilotl quiyahualojtoc Toteco.
3 Iixpa tlayacanti se tlitl tlen quintzontlamiltía icualancaitacahua.
4 Nopa tlapetlanilotl tlen yajaya quititlani quitlahuilía nochi tlaltepactli.
5 Nochi tepetini atiyaj queja cera iixtla TOTECO tlen iaxca nochi tlaltepactli.
6 Elhuicactli tlayolmelahua para Toteco xitlahuac tetlajtolsencahua.
7 Ma mopinahuaca nochi tlen quinhueyichihuaj teteyome,
8 TOTECO, nopa altepetl Jerusalén huan nochi altepetini ipan tlali Judá quipiyaj paquilistli ica motlamachtil.
9 Pampa ta, tiTOTECO, tijnahuatía nochi tlaltepactli,
10 TOTECO quinicnelía nochi tlen quicocolíaj tlen ax cuali.
11 Tlen xitlahuac ininyolis nemi ipan itlahuil Toteco,
12 Xipaquica ipan TOTECO nochi imojuanti tlen initztoque xitlahuac iixtla.