1 ¡Xihualaca, ma tihuicaca para TOTECO!
2 Ma tiyaca iixtla Toteco para tijtlascamatise ica nochi toyolo.
3 Pampa TOTECO yajaya se Dios Tlen Tlahuel Hueyi.
4 Imaco eltoc nochi nopa tlacoyoctli tlen más huejcatla huan nopa tepetini tlen más huejcapantique.
5 Yajaya iaxca nopa hueyi atl huan tlaltepactli,
6 Xihualaca, ma tijhueyichihuaca huan ma timoixtlapachoca hasta tlalchi iixtla TOTECO,
7 Pampa yajaya toDios huan tojuanti tiitlacajhua.
8 “Amo ximoyoltetilica queja israelitame quichijque huejcajquiya ipan nopa huactoc tlali tlen itoca Meriba huan Masah.
9 Nopano imohuejcapan tatahua nechyejyecojque para quiitase tlachque nijchihuasquía.
10 Para cuarenta xihuitl nicualantoya ininhuaya,
11 Yeca ica nohueyi cualancayo nitlatestigojquetzqui para ax quema calaquise campa nijsencajtoya ma mosiyajcahuaca.”