1 TOTECO, ximonexti.
2 Ximotlalana huan xijtlatzacuilti ni tlali.
3 TOTECO, ¿hasta quema tlamis tlatlanise huan mopaquilismacase nopa tlacame tlen axaca quitlepanitaj?
4 ¿Hasta quema tlamis tetlaijilhuise huan mohueyimatise nopa tlajtlacolchijca tlacame?
5 TOTECO, inijuanti tlahuel quintlaijiyohuiltíaj huan quincuesolmacaj motlacajhua tlen tiquinicnelía.
6 Inijuanti quinmictíaj cahual toahuihua tlen ehuani ipan sequinoc altepetini huan tlen icnotzitzi.
7 Huan quiijtohuaj para ta, TOTECO, ax tiquita,
8 Imojuanti tlen inhuihuitique ipan ni tlacame, xijmachilica.
9 Toteco quisencajqui tonacashua,
10 Yajaya quintlatzacuiltía tlacame ipan nochi tlaltini,
11 TOTECO quiixmati inintlalnamiquilis tlacame huan quimati para san moilhuíaj tlamantli tlen ax cuali.
12 Pero cuali ininpanti nopa tlacame tlen ta, TOTECO,
13 Huan para itztose ica paquilistli quema ajsis nopa tonali tlen fiero.
14 Pampa TOTECO ax quintlahuelcahuas itlacajhua pampa inijuanti iaxcahua.
15 Se tonal Toteco tetlajtolsencahuas xitlahuac,
16 ¿Ajqueya nechmanahuis ininmaco nopa mosisinijca tlacame?
17 Intla Toteco ax nechpalehuijtosquía,
18 Na nitzajtzic huan niquijto:
19 NoTeco, quema san nimoyolilhuía tlen miyac cuesoli huan san ya nopa nijmati,
20 Se tlanahuatijquetl tlen ax quichihua tlen xitlahuac,
21 Pero tlanahuatiani queja nopa mosentilíaj huan mocamahuíaj para quejatza quimictise se tlen ax tleno quichijtoc,
22 Pero TOTECO yajaya nechmocuitlahuía pampa tlahuel miyac chicahualistli quipiya.
23 Huan Toteco Dios quichijtoc para ma huetzi ininpani nopa mosisinijca tlacame nochi nopa tlamantli tlen ax cuali quichijtoque.