1 ¡NoTeco Dios, noyolo mocualtlalijtoc para nimitzhueyimatis!
2 ¡Quena, na nihuicas huan nitlatzotzonas ipan noguitarra huan noarpa!
3 Nimitzpaquilismacas, TOTECO,
4 Pampa ta tlahuel titemachtli huan onpano miyac moteicnelijcayo,
5 Ma nochi mitzhueyimatica nepa elhuicac, Toteco Dios.
6 Xijtlacaquili quejatza mitztzajtzilíaj moconehua tlen tiquinicnelía.
7 Toteco Dios camatqui ipan itiopa huan quiijto:
8 Pampa na noaxca tlali Galaad huan Manasés.
9 Pero tlen itztoque ipan tlali Moab huan Edom nechtequipanose,
10 ¿Ajqueya nechmacas chicahualistli para niquintlanis nopa altepetini tlen moyahualtzactoque ica tepamitl?
11 ¿Atlac titechtlahuelcajtoc? ¿Ax elis ta, tiToteco Dios, tlen titechyacanas huan tiyas ica nosoldados para titlatehuitij?
12 Xitechpalehui para tiquintlanise tocualancaitacahua pampa san motlapalehuil ipati.
13 Pero ica ta motlapalehuil tijchihuase huejhueyi tlamantli.