1 व दिनय् न्हय्म्ह मिसातय्सं छम्ह मनूयात ज्वनाः थथे धाइ,
2 व दिनय्, परमप्रभुया कचाय् बांलाक फल सइ अले झःझः धाइ अले इस्राएलय् बचय् जुयाच्वंपिं फुक्कसिगु निंतिं जमिनया फल छगू लसता व गौरवयागु जुइ।
3 सियोनय् त्वःताथकूपिं व यरूशलेमय् ल्यनाच्वंपिं अथे धइगु यरूशलेमय् च्वंपिं धकाः नां च्वयातःपिं फुक्कसित पवित्रपिं मनूत धकाः धाइ।
4 परमप्रभुं निसाफया आत्मा व मिया आत्मापाखें सियोनया मिसातय्गु फोहर सिलादी धुंकाः अले यरूशलेमया हिया दाग शुद्ध यानादी धुंकाः थथे जुइ।
5 अनंलि सियोन पर्वतय् व अन मुनाच्वंपिं मनूतय्के परमप्रभुं न्हिनय् सुपाँय् व चान्हय् कुँ व मित्याः छ्वयाहयादी। फुक्क शहरयात परमेश्वरया महिमां त्वपुइ अले रक्षा यानादी।
6 वय्कःया महिमां शहरतय्के न्हिनय् निभालं बचय् जुइत किचः व ग्वःफसं व वां बचय् जुइत सुपिलिगु थाय् दय्कादी।