1 ¡NoTeco Dios, noyolo mocualtalijtoc para nimitzhueyimatis!
2 ¡Quena, na nihuicas huan nitatzotzonas ipan noguitarra huan noarpa!
3 Nimitzpaquilismacas, TOTECO,
4 Pampa ta tahuel titemachti huan nelpano miyac motaicnelijcayo,
5 Ma nochi mitzhueyimatica nepa ilhuicac, Toteco Dios.
6 Xijtacaquili quenicatza mitztzajtzilíaj moconehua cati tiquinicnelía.
7 Toteco Dios camanaltic ipan itiopa huan quiijto:
8 Pampa na noaxca tali Galaad huan Manasés.
9 Pero cati itztoque ipan tali Moab huan Edom nechtequipanose,
10 ¿Ajquiya nechmacas chicahualisti para niquintanis nopa altepeme cati moyahualtzactoque ica tepamit?
11 ¿Atac techtahuelcajtoc? ¿Amo elis ta, tiToteco Dios, cati techyacanas?
12 Techpalehui para tiquintanise tocualancaitacahua pampa san motapalehuil ipati.
13 Pero ica ta motapalehuil tijchihuase huejhueyi tamanti.