1 NoTeco Dios cati nimitzhueyitalía,
2 Pampa nopa tajtacolchijca masehualme nechejelnamiquij huan nechistacahuíaj.
3 Inijuanti nechcualancaitaj huan nechyahualohuaj para nechilhuise camanali cati amo monequi.
4 Na niquinicnelía huan nimotatajtía para tiquintiochihuas.
5 Na niquinchihuilía cati cuali,
6 NoTeco, xiquintali imaco se cati fiero.
7 Huan quema ya quintajtolsencajtose, xijchihua para nochi quimatise para quihuicaj tajtacoli.
8 Nimitztajtanía para inemilis nocualancaitaca ma amo huejcahua ipan ni taltipacti.
9 Iconehua ma mocahuaca icnotzitzi huan isihua ma mocahua icnotzi.
10 Iconehua ma monejnencaquixtica huan ma motaejehuijtinemica.
11 Ma quitamitacuijcuilica cati quitatanejtiyayaj,
12 Amo aqui ma quipalehui ica yon se tamanti huan amo aqui ma quintasojta iconehua cati icnotzitzi.
13 Ma miquica nochi iconehua.
14 TOTECO, amo xiquelcahua nochi inintajtacolhua itatahua huan inanahua.
15 Ma mocahua inintajtacolhua moixpa, TOTECO,
16 Pampa inijuanti amo quinejque quipalehuise inihuampo.
17 Quinpactiyaya quintelchihuase inihuampo.
18 Nopa tatelchihualisti tahuel quinpactía pampa eltoc ipan nochi cati quichihuaj.
19 Huajca ama ipani ma huetzi nopa tatelchihualisti,
20 Quej nopa, TOTECO, xiquintaxtahui nopa nocualancaitacahua cati nechistacahuíaj,
21 Pero TOTECO, ta cati tinoTeco,
22 Na nitaijyohuía huan tahuel monequi motapalehuil,
23 Niyajtinemi para nimiquis huan nitaijyohuía quej se chapoli cati quitahuiso se masehuali.
24 Notancua ayecmo quipiya chicahualisti pampa tahuel nimosajtoc.
25 Nochi masehualme ipan taltipacti nechhuetzquilíaj.
26 ¡TOTECO Dios, techpalehui!
27 Techmaquixti miyacapa,
28 Huan teipa sinta nechtelchihuaj, amo teno ipati,
29 Ma mopinahualtica miyacapa inijuanti cati nechistacahuíaj.
30 Pero na talojtzitzi nijtascamatis TOTECO,
31 Pampa yaya itztoc inihuaya cati teicneltzitzi para quinmanahuis inimaco inincualancaitacahua.