1 ¡Na nimitzpaquilismacas, TOTECO!
2 Mitzyahualojtoc taahuili cati tahuel cuajcualtzi.
3 Eltoc quej quema timochanti,
4 Tiquintequihuía moilhuicac ejcahua quej motatitanilhua huan tiquinchihua ma elica quej tilelemecti.
5 Ta cuali tijtatzquilti ni taltipacti para amo mijcuenis ten campa eltoc.
6 Tijchijqui ma huetzi miyac at cati quiixtzajqui taltipacti quej elisquía iyoyo.
7 Pero quema ta ticamanaltic huan ticajhuac nopa at ipan hueyi at,
8 Tejcoque tepeme huan nopa tamayame temoque ipan inilugar campa ta titanahuati ma motalica.
9 Teipa tiquintalili ininepa nopa huejhueyi at para ayecmo quema ma quiixtzacuaca tali.
10 Ta tijchijqui at ma motalo ipan atajti campa tepeme,
11 Ica nopa at tiquinamaca nochi tapiyalme para ma atica.
12 Nopa totome quichihuaj inintepasol iteno nopa atajti,
13 Ta tijchihua ma huetzi at ipan tepeme,
14 Quena, ta Toteco tijchihua ma moscalti sacat para ma tacuaca tapiyalme.
15 Nojquiya tiquinmaca xocomecat iayo para ma ica yolpactoca,
16 Ica nopa at moscaltíaj nopa tiocuame cati ta, TOTECO,
17 Ipan nopa cuame motepasoltíaj nochi tamanti totome.
18 Inintzonixco nopa huejhueyi tepeme onca sacat para nopa chivojme cati nemij cuatita.
19 Toteco, ta tijchijqui metzti para quinextis ipan taya metzti itztoque masehualme.
20 Ta tijtitani nopa tzintayohuilot huan mochihua yohuali,
21 Nopa leones cati noja conetzitzi nanalcaj pampa mayanaj.
22 Quema quisas tonati sempa onmotatíaj ipan iniosto.
23 Huan masehualme quisaj para tequititij,
24 ¡TOTECO, nelía tijchijtoc miyac tamanti!
25 Xiquitaca nopa hueyi at cati tahuel patahuac huan hueyi.
26 Nopona nemij nopa huejhueyi cuaacalme,
27 Nochi ni tapiyalme mochiyaj ipan ta para xiquintamaca quema monequi.
28 Huan quema tiquinmaca inintacualis,
29 Pero sinta tiquintahuelcahua, inijuanti motequipachohuaj.
30 Huan quema ta tijtitani moTonaltzi cati temaca nemilisti,
31 ¡Ma tijhueyitalica TOTECO pampa ihueyitilis amo quema tamis!
32 Quema Toteco quitachilía taltipacti, ni taltipacti huihuipica.
33 Nijhuicatis TOTECO nochi tonali cati niitztos ipan ni tali.
34 Ma quipacti TOTECO nochi cati nimoyolilhuía ten ya,
35 Ma miquica nochi cati quinpactía tajtacolchihuaj ipan ni taltipacti.