1 Xijtascamatica TOTECO por nochi nopa huejhueyi tamanti cati yaya quichihua.
2 ¡Xijhuicatica!
3 ¡Ximopaquilismacaca ipan Toteco!
4 Xijtemoca TOTECO huan ichicahualis.
5 Xiquelnamiquica nopa tiochicahualnescayot cati yaya quichijqui por amojuanti.
6 Aniixhuihua Abraham cati itequipanojca Toteco,
7 Yaya TOTECO huan yaya toDios.
8 Yaya amo quema quielcahuas nopa camanal sencahuali cati quichijqui,
9 Noja eltoc nopa camanal sencahuali cati quichijqui ica Abraham huan Isaac.
10 Teipa quiompahui nopa camanal sencahuali ica Jacob para ma pano ica nochi israelitame,
11 Huan Toteco quiijto:
12 Quinilhui ya ni quema inijuanti noja ayemo eliyayaj miyaqui,
13 Teipa san panotinenque ten se tali hasta seyoc tali,
14 Pero ipan nochi nopa tamanti Toteco amo quincahuili ma quinajsi se tamanti cati amo cuali.
15 Toteco Dios quinilhui:
16 Toteco quititanqui se hueyi mayanti ipan tali Canaán,
17 Pero teipa Toteco quititanqui se tacat ma quinyacana para quinmanahuis imasehualhua ten nopa mayanti.
18 Huan nepa ipan tatzacti quimetzcocojque quema quimetzilpijque ica tepos cadena,
19 Nopona itztoya José hasta ajsic nopa tonali cati TOTECO quiixquetztoya.
20 Huajca Faraón cati eliyaya hueyi tanahuatijquet, tanahuati ma quiquixtica.
21 Teipa nopa tanahuatijquet quitali ma quinyacana nochi itequipanojcahua,
22 Elqui ya icuenta para quintatzacuiltis itequipanojcahua cati más huejhueyi,
23 Teipa Israel ajsico ipan tali Egipto,
24 Huan Toteco tahuel quinmiyaquili iixhuihua Jacob,
25 Teipa Toteco quinyolpatac nopa egiptome,
26 Pero teipa Toteco quititanqui itequipanojca, Moisés,
27 Huan inijuanti quichijque huejhueyi tanextili huan tiochicahualnescayot ipan tali Egipto.
28 Quena, Toteco quititanqui tzintayohuilot ipan nochi nopa tali,
29 Teipa quicuetqui esti nochi at cati oncayaya ipan nopa tali.
30 Teipa quintitanqui tahuel miyac temasolime ipan nochi nopa tali,
31 Teipa quema Moisés camanaltic,
32 Nojquiya quintitanili huejhueyi tesihuit huan amo at.
33 Huan nopa tesihuit quinenpolo nochi xocomeca mili, huan higuera cuame,
34 Teipa Toteco camanaltic huan ajsicoj tahuel miyac chapolime,
35 Huan quicuajque nochi tamanti xihuime cati oncayaya ipan nopa tali,
36 Teipa quinmicti nopa coneme cati achtohui tacatque ipan sese familia ten tali Egipto.
37 Huan Toteco quinquixti imasehualhua ica temachili,
38 Huajca nopa egiptome nelía pajque quema quisque nopa israelitame,
39 Toteco quipatajqui inintzonta se mixti para quinecahuilis huan amo quintatis tonati.
40 Quitajtanijque ma quinmaca nacat para quicuase,
41 Toteco quitapo se tet huan quisqui at hasta mochijqui quej se hueyat,
42 Pampa yaya quielnamijqui cati ica mocajtoya itequipanojca Abraham.
43 Huajca ica miyac paquilisti Toteco Dios quinquixti imasehualhua cati quintapejpenijtoc ipan tali Egipto.
44 Huan quinmacac imasehualhua nopa talme cati elqui iniaxca masehualme cati amo israelitame.
45 Nochi ya ni quichijqui para ma quichijtinemica cati quinilhuijtoya huan ma quintoquilijtinemica itanahuatilhua.