1 Ica nochi noyolo nijpaquilismacas TOTECO yaya cati tatzejtzeloltic.
2 Quena, nijpaquilismacas TOTECO ica nochi noyolo,
3 Yaya nechtapojpolhuía nochi notajtacolhua.
4 Quimanahuía nonemilis miquilisti.
5 Quitemitía nonemilis ica tamanti cati cuali.
6 TOTECO quinchihuilía cati cuali huan quintajtolsencahua xitahuac nochi masehualme cati taijyohuíaj inimaco sequinoc.
7 Toteco quinextili Moisés quenicatza eltoc,
8 TOTECO tetasojta miyac huan quipiya hueyi iyolo.
9 Amo techajhua talojtzitzi,
10 Yaya amo techtatzacuiltijtoc quej quinamiqui,
11 pampa yaya quipiya nelhueyi iyolo ica nochi cati quiimacasij huan quitepanitaj.
12 Toteco techquixtili totajtacolhua huan quitali huejca ten tojuanti.
13 Quej se tetaj quintasojta iconehua,
14 Pampa Toteco quimati para tojuanti san tielij taltepocti,
15 huan tonemilis san panotiquisa huan amo huejcahua.
16 Quema quiilpitza ajacat,
17 Pero TOTECO mojmosta quinicnelía nochi cati quiimacasij huan quitepanitaj.
18 Quena, yaya quinchihuilis cati cuali inijuanti cati quichihuaj cati ica mocajtoque quichihuase,
19 TOTECO quitalijtoc isiyaj nepa ilhuicac huan nopona mosehuía para tanahuatis.
20 Xijpaquilismacaca TOTECO nochi amojuanti anilhuicac ehuani cati tahuel antejtetique.
21 Quena, xijhueyimatica TOTECO nochi amojuanti anilhuicac ehuani cati anitztoque quej isoldados.
22 ¡Nochi masehualme huan nochi tamanti cati mopantíaj campa hueli ipan nochi itanahuatilis,