1 ¡TOTECO, techtacaquili quema nimotatajtía!
2 Amo ximohuejcatali ten na ipan nopa hora quema nitaijyohuía.
3 Pampa mojmosta nonemilis tantiya quej pocti.
4 Tahuel nimococohua ipan noyolo.
5 Huan pampa tahuel niaxtitoc,
6 Nijmati quej nielisquía nopa tzojpilot cati nemi ipan nopa tali campa amo teno eli,
7 Nochi yohuali ayecmo nicochi.
8 Nocualancaitacahua mojmosta nechpinajtíaj huan nechtelchihuaj.
9 Ayecmo nijcua pantzi.
10 pampa tahuel ticualantoc ica na.
11 Nonemilis panoti chicahuac quej tayohuilot.
12 Pero ta TOTECO, tiitztos para nochipa,
13 Na nijmati para ta timotananas huan tihualas para tijtasojtaqui altepet Jerusalén.
14 Pampa momasehualhua tahuel quinicnelíaj nopa teme ten itepa Jerusalén,
15 Huajca nochi talme huan inintanahuatijcahua ma huihuipicaca iixpa TOTECO.
16 Pampa TOTECO sempa quicualtalis altepet Jerusalén.
17 Yaya quintacaquilis nopa teicneltzitzi quema motatajtise,
18 Niquijcuilohua ya ni para nochi cati tacactiyase teipa ma nojquiya quihueyichihuase TOTECO por nochi cati quichijtoc.
19 Pampa TOTECO quihualtachili taltipacti ten nepa ilhuicac campa eltoc itiopa.
20 Huan quintacaquili quema axtiyayaj imasehualhua cati tetequipanohuayayaj ipan sequinoc talme.
21 Huajca miyac masehualme sempa hualase ipan altepet Jerusalén para quipaquilismacase TOTECO.
22 Huan miyac tanahuatiani ten ni taltipacti hualase para quitequipanose huan quihueyichihuase TOTECO.
23 Yaya nechquixtili nochicahualis quema noja polihuiyaya tajco para nimiquis,
24 Pero nijtzajtzili huan niquilhui:
25 Hasta ipejya tonali ta tijtali itzinpehualtil ni taltipacti,
26 Masque nochi cati tijsencajqui se tonali tamis,
27 Pero ta amo quema tihuehuejtiyas.
28 Pero tojuanti cati timotequipanojcahua,