1 Ikiavɨra Itir God kamaghɨn Jopɨn azai:
2 “Jop, kɨ Godɨn Gavgaviba Bar Itim, nɨn mɨgɨrɨgɨaba na ko mɨsosi?
3 Jop kamaghɨn Ikiavɨra Itir God ikara:
4 “Kɨ pura bizir kɨnim.
5 Kɨ mɨgɨrɨgɨar bar avɨrim gami,
6 Ezɨ Ikiavɨra Itir God amɨnir ekiam ko amozimɨn aven ikia, kamaghɨn Jopɨn akam ikaragha ghaze:
7 “Jop, nɨ guizɨn gumazimɨn mɨn tugh,
8 Nɨ mɨgɨa ghaze, nɨn araziba derazɨ nɨ gavgafi.
9 Nɨn gavgavim ko nan gavgavim ti magh ghu?
10 “Nɨ kamaghɨn otivsɨ, nan danganim inigh, egh nan atrivimɨn kurkazir aghuiba inigh dar aghuigh,
11 Egh nɨ gantɨ gumazamiziba uan ziaba fɨtɨ,
12 Nɨ gumazamizir akaba batozibar gan me dɨkabɨn.
13 Egh Oveaghuezibar Nguibamɨn, kalabuziar danganimɨn me arɨkigh.
14 Nɨ bizir kabar amightɨ, kɨ nɨn ziam fɨ suam,
15 Ikiavɨra Itir God ua kamaghɨn mɨgɨa ghaze:
16 Dar namnaba bar ekevegha bar gavgafi.
17 Dar ipeba tuivigha gavgafi, mati sidan temeba,
18 Dar aghariba bar gavgafi, egha mati brasɨn gavgavimɨn ingarizir ainba.
19 Kɨ God, kɨ ingarizir asɨzibar tongɨn, hipopotamusba bar me gafira.
20 “Hipopotamusba apir graziba, da mɨghsɨabar iti.
21 Hipopotamusba temer dɨkoniba itibar apebabar irav iti,
22 Egha da temer dɨpar mɨriabar itibar aguabar apengan mogava avughsi.
23 Aperiam otogh pamten ivemartɨ, da atiatingan kogham.
24 Tinara dar suiragh da ikegham?