1 O lutuŋ, motom iŋgalŋgal sua tio ti,
2 Motom iŋgalŋgal tutu tio mi toto. Naso mbotmbot ambai.
3 Tana kiskis sua tio ta boozomen ma imbol la ŋgar ku totomen,
4 Ur kat lelem pa ŋgar ambaiŋana,
5 Pa sombe kam lem ŋgar ambaiŋana, nako iuulu u be mbotmbot molo pizin moori zaala lwoono kan ta tiwadat zin tomooto na.
8 Iwwa pa zaala ma ila, mi igarau ruumu ki moori ta.
9 Ila ipet ruumu tana na, zoŋ isula mi zugut isu.
10 To moori tana izeebi pa mburu kembei ta moori zaala lwoono kan tiurur na, mi ipaŋuru i ma imar.
11 Moori tana mbuleene izzu ruumu som.
12 Mi irru zin tomooto su nol muriini,
13 Tana ire naŋgaŋ tina, to loŋa men mi isou i, mi ikan kwoono.
14 “Ai, nio ti, muŋgu aŋbuk sua pa Anutu be aŋkam patoronŋana pini.
15 Tana aŋyooto pa ruumu ma aŋmar be aŋru u tau.
16 Leŋ. Nio aŋurpe mbalia tio, mi aŋwar mburu ta kan mos ambaimbaiŋan na ise muriŋ.
17 Mi aŋliŋ koroŋ pakan ta kuzin ambaimbaiŋan na ise ma ambai leen!
18 Tana mar ma ituru tekeene.
19 Kam ŋgar pa kusiŋ pepe. Pa ni imbotmbot ruumu som. Iŋga ila pa lele molo.
20 Pa ila raama kautu kini ta bok pa pat.
21 Moori tana ikam mbulu boozo pa naŋgaŋ tana bekena iyaaru i. Mi kwoono imbesmbeeze pini ma tau!
22 Naŋgaŋ tana inamnaama som. Ziru tila pataaŋa.
23 Ni ikilaala som. Mbulu ta ikam na, ko ikami ma imeete.
24 Tana lutuŋŋan, keleŋ la sua tio ti, mi motoyom iŋgalŋgal.
25 Kere yom pizin moori ta kembei: Kokena tikam leleyom ma kezem zaala ambaiŋana, mi koto zin pa zaala kizin.
26 Pa zin wal ta titop la kizin na, sorok som.
27 Zaala biibi ta isula pa naala na, kwoono imbot kat ta ndeete kizin uunu na.